گەلێکت چاوەڕێ بووم هەر نەهاتی
لە کتێبی:
دیوانی خادیم (بەرگی ١)
بەرهەمی:
خادیم (1895-1953)
1 خولەک
1313 بینین
گەلێکت چاوەڕێ بووم هەر نەهاتی
ئەوا کەوتوومە ڕێی هات و نەهاتی
هەموو مانگ و ستارەی ئاسمانی
هەڵاتن چاوەکەم تۆ هەڵنەهاتی
ئەگەر زاهید جەماڵی تۆ بـینێ
فیدای نازت دەکا سەوم و سەڵاتی
لە ئینعامی تۆ عالەم بەهرەمەندن
لە بۆ من بۆچی وا بێ ئیلتیفاتی؟
خودا فەرموویە بۆ مەحرووم و سائیل
لە ماڵی خۆت ئەدا کە تۆ زەکاتی
منیش هەم خادیمناسناوی ئەدەبی و هەم سائیلی تۆم
لە حوسنی خۆت ئەدا کە واجیباتی