لە جیاتی ویرد و ئەزکاری سەحەر گاهـ
لە کتێبی:
دیوانی خادیم (بەرگی ١)
بەرهەمی:
خادیم (1895-1953)
1 خولەک
684 بینین
لە جیاتی ویرد و ئەزکاری سەحەرگاهـ
ئەچێ بۆ عەرشی ئەعلا ناڵەم و ئاهـ
کە حەلقەی دا بە دەوری عاریزی زوڵف
میسالی بورجی عەقرەب دەورەیی ماهـ
دڵی یوسف نەژادان بێ تەئەممول
لە بۆ سێوی زەنەخ کەوتوونە ناو چاهـ
بە ئیما وا دڵی بردم لە ناکاو
میسالی کارەباو جەزبی پەڕی کاهـ
کە شاهی عەشق گرتی قەلعەی دڵ
لە سەحنی دڵ چەقاندی مێخی خرگاهـ
فەسادی لێ بڕی لەم کیشوەری دڵ
نیزامی وا عەدالەت پەروەری شاهـ
ئەگەرچی دەمکوژێ لێشم دەپرسێ
لە ئەوقاتی نەخۆشیم گاهو بێ گاهـ
بە بەرزی قامەتی نەخلی مورادە
بە مەقسەد کەی ئەگا هەر دەستی کوتاهـ
موناجاتم نەبوو تەئسیری خادیمناسناوی ئەدەبی
مەگەر کارێ بکا سۆزی سەحەرگاهـ