تیفلی دڵی من پەروەرشی بوو بە غەمی تۆ
لە کتێبی:
دیوانی خادیم (بەرگی ١)
بەرهەمی:
خادیم (1895-1953)
1 خولەک
808 بینین
تیفلی دڵی من پەروەرشی بوو بە غەمی تۆ
زۆر شادە بە جەور و بە جەفا و ئەلەمی تۆ
وەک ئاهوویی وەحشی لە بیابانی وەفادا
مەحفووز لە سەییاد لە کوویی حەرەمی تۆ
دڵ مەفرەشی ڕێگاتە ئەوەند گەرمە لە جۆشا
وریابە بە قوربان کە نەسووتێ قەدەمی تۆ
بۆ بەیعی تەماشای جەماڵت دڵ و جانم
هێناومە ئێستاکە کەمی من کەرەمی تۆ
حوکمی تۆ لەسەر کیشوەری دڵ جارییە جانا
جەورت هەموو لوتفە هەموو عەدلە ستەمی تۆ
هەر زەڕڕە بە خورشیدی جەماڵی تووە تابیع
هەر قەترە ببێ مائیلە بۆ مەوجی یەمی تۆ
لەم ڕێگەیە سەر ڕشتەی دین واچوو لە دەستم
عالەم کە ئەڵێن عابید و بەندەی سەتەمی تۆ
ناڵەم لە بنی هەر مووی ئەعزامەوە دێ شەو
گیراوە لە سینەم ڕەهی ئەفغان بە غەمی تۆ
مەردانە قەدەم دانێ لە مەیدانی جەفاوە
خادیمناسناوی ئەدەبی چییە گریە و ئەلەمی دەم بە دەمی تۆ؟