tîflî diłî min perwerşî bû be ẍemî to
From the Book:
Dîwanî Xadim
By:
Khadem (1895-1953)
1 minutes
807 views
tîflî diłî min perwerşî bû be ẍemî to
zor şade be cewr û be cefa û elemî to
wek ahûyî weḧşî le byabanî wefada
meḧfûz le seyyad le kûyî ḧeremî to
dił mefreşî řêgate ewend germe le coşa
wiryabe be qurban ke nesûtê qedemî to
bo bey’î temaşay cemałit dił û canim
hênawme êstake kemî min keremî to
ḧukmî to leser kîşwerî dił carîye cana
cewrit hemû lutfe hemû ’edle sitemî to
her zeřře be xurşîdî cemałî tuwe tabî’
her qetre bibê ma’île bo mewcî yemî to
lem řêgeye ser řiştey dîn waçû le destim
’alem ke ełên ’abîd û bendey setemî to
nałem le binî her mûy e’zamewe dê şew
gîrawe le sînem řehî efẍan be ẍemî to
merdane qedem danê le meydanî cefawe
xadîmPen name çîye girye û elemî dem be demî to?