هێندە مەستم شەو لە جۆشی بادەیی مینایی ڕاز
لە کتێبی:
دیوانی خادیم (بەرگی ١)
بەرهەمی:
خادیم (1895-1953)
1 خولەک
666 بینین
هێندە مەستم شەو لە جۆشی بادەیی مینایی ڕاز
دڵ گڕی گرتووە بە هاوارە ل بۆ ئیفشایی ڕاز
دەرسی عیشقی پێ گوتم دولبەر زوبانیشی بڕیم
تالە بەزمی هەرزەگۆیان من نەکەم ئیفشایی ڕاز
گەر لە هەستی تێپەڕی بۆ موڵکی کەم ناوی بچێ
عالەمێکی تر دەبینی تۆ لە یەک سەحرایی ڕاز
عالەمیچی، موڵکی چی، حەیرانە عەقڵت لێرەدا
هەرچی ئەیبینی هەموو مەستن لە یەک سەهبایی ڕاز
بەحری بێ پایانە مەوجی هەر لە خوێنی عاشیقان
هەریەکێ غەوواسە چون پڕ گەوهەرە دەریایی ڕاز
دڕک و داڵی لالەیە، بەردی میسالی گەوهەرە
خاک وخۆڵی عەنبەرە هەم گوڵشەنە سەحرایی ڕاز
گوڵشەنی چی؟ هەر لەیەک غونچە هەزاران گولستان
سەد وەکوو جەننەت دەمی داوە لە یەک ئەجزایی ڕاز
دەرسی بێ حەرف و سەدایە مەکتەبی ئەسراری دڵ
حاجەتی لەفز و خەتی هەرگیز نییە مەعنایی ڕاز
هەر لە ئەووەڵ دەرسەوە مەنسووری بۆ سەردار ئەبرد
ڕوتبەیی سەرداری داێ کەوتە سەر ئینشایی ڕاز
دووربین وکاشیفی ئەسرارە خادیمناسناوی ئەدەبی هەر تەڕەف
سوورمە کێشراوی خودیە دیدەیی بینایی ڕاز