خانمەکەم

ڕیگام دوورە
ترسی ڕێگا بێ سنوورە
خانمەکەم
دە هەڵسە پێ
بەرەو چیا هەنگاو بنێ
خانمەکەملەو کاتەدا کە باڵای من
لە ناو ئەڵقەی پەتی دوژمن
شۆڕ دەبێتەوە بەرەو خوار
خانمەکەم.
تۆ دەزانی گیان و بیر و کارم هەموو
بەرەو چیا هەڵدەگەڕێن
بۆ لای ئەوینی ڕابردوو.
بۆ لای هاوڕێیانی پێشوو.
پێیان دەڵی:
ئەستێرەیەکی دی کرێکاران
ئێستاکە مرد.
وەلێ هەروا.. بە بێهوودە
کۆچی نەکرد.
لە پێش کۆچیا
بەدەیەها
ئەستێرەی لاوی دروست کرد.
هەریەکەیان
وەک هاوڕێمان
کڕنووشیان بۆ گۆڕینێکی ڕیشەیی برد.ڕێگا دوورە، لێی مەترسێ خانمەکەم.
ئەم ژیانەم، بێهوودە نییە دەسووتێ
خانمەکەم.
بڕوانە خۆر، دادەگیرسێ
خانمەکەم.