نەچەرخا ئەم چەرخە ڕۆژێ بە کامی ئیقباڵی من
لە کتێبی:
دیوانی ناتیق
بەرهەمی:
ناتیق (1886-1967)
1 خولەک
599 بینین
نەچەرخا ئەم چەرخە ڕۆژێ بە کامی ئیقباڵی من
نەی پرسی جارێ لە بەختی سەرگەشتە و عەودالی من
وا لە گێژاوی غەما غەرقە گەمتەی تالیعم
پەیاپەی ئاوازی حوزنی لێوە دێ شەماڵی من
گێژەڵووکەی بای ئەسەف وا دنیای کردووە بە تەم
هەر شکست دێنێ لە عەرسەی خۆشنوودیا زاڵی من
دەردی فیراقت دەست بە شمشێر ڕیشاڵی جەرگی بڕیم
گاشە بەرد دێنێ ئەیکاتە کۆسپی ڕێی ویساڵی من
خۆی لە هەر جێ لائەدا لافاوکەی سەرگەشتەگی
ناوەستێ تاکو ئەگاتە بەردرگانەی ماڵی من
گەر تاوێ شاد بێ دڵم یەکسەر چنگاڵی خەفەت
دەست ئەخاتە بینەقاقای تازە بوکی حاڵی من
فیعلی مازی بەس بخوێنە باسی موزاریع بکە
تا بزانی ئێستەکەش ناسرەوێ حاڵی من
پێم بڵێ ناتیقناسناوی ئەدەبی توو ئەو خوا بۆچ بەخت یارت نییە؟
ڕۆژ بە ڕۆژی نەحسییە موفەککەرەی ساڵی من