دائەنێم سەر و سامانم لەڕێگەی حاڵی وەتەن
لە کتێبی:
دیوانی ناتیق
بەرهەمی:
ناتیق (1886-1967)
1 خولەک
526 بینین
دائەنێم سەر و سامانم لەڕێگەی حاڵی وەتەن
تاکو هەمیشە مەعموور و ئاوا بێ ماڵی وەتەن
دەست بە دوعا ڕوو لە قیبلە ئەناڵێنم بۆ ئەوەی
خوا بەرەکەت بخاتە سیاماڵی وەتەن
ڕۆژی سەعییە لاوەکان ئینقلابێ رێخەن
تاکو نحووسەت نەهێنێ بورجی ئیقباڵی وەتەن
هیممەتێ کەن ئەمڕۆ ڕۆژی ئەمەکداری و غیرەتە
بەر مەدەن مەسلەکی حەق و ببنە عەوداڵی وەتەن
چاکی مەردانە بە لادا بکەن و حەملە بەرن
تا لە مەسافی جیدالا سەکەوێ زاڵی وەتەن
ڕەنج بدەن و خزمەتی کەن ئەمە فەرزە فەرزی عەین
با ئەسیری داوی دووژمن نەبێ غەزاڵی وەتەن
گەرچی تیکراری میسرەعە ناتیقناسناوی ئەدەبیی زار هەر ئەڵێ
دائەنێم سەر و سامانم لە ڕێگەی حاڵی وەتەن