لەو دەمەوەی بوومەتە هاواڵی غەم
لە کتێبی:
دیوانی ناتیق
بەرهەمی:
ناتیق (1886-1967)
1 خولەک
584 بینین
لەو دەمەوەی بوومەتە هاواڵی غەم
خزاومەتە گۆشەی سیاماڵی غەم
لە نێو دەشتی عوشرەتا نەبووە و نییە
کەس وەکو من پیشەی بێ عەوداڵی غەم
دامەنم بۆیە وەها گوڵ گوڵ بووە
چونکە گیرە لە جەرگم چنگاڵی غەم
تاریکەڵانە ژیانم عیللەت چییە ؟
هەر بە تیفلی کەوتوومەتە چاڵی غەم
هەیکەلی شادی و سرورمی تێکشکاند
گورزەکەی دەستی ڕۆستەمی زاڵی غەم
بازاڕی غەزەل شکاوە بە یەکجار
قیمەتی لێ سەندووە کوتاڵی غەم
ئەهلی ئەم شارە ئەزانن کە ناتیقناسناوی ئەدەبی
دەگا بە دەرگا گەڕا بۆ سواڵی غەم