گیانە گەر مەیلت لەسەر بێ سبەی دیدارت ئەکەم
لە کتێبی:
دیوانی ناتیق
بەرهەمی:
ناتیق (1886-1967)
1 خولەک
652 بینین
گیانە گەر مەیلت لەسەر بێ سبەی دیدارت ئەکەم
خۆم بەقوربانی دوو چاوی مەست و خومارت ئەکەم
هەروەکو ساوا ئەکەومە هەڵمژینی گۆی مەمت
نەوسنم سا لێمگەڕێ گەرچی بێزارت ئەکەم
تۆ گوڵێکی نەشکوفتەی باخی عومری عاشقی
تا ڕەقیب لەداخا بمرێ خۆم بە هوزارت ئەکەم
زۆر دەمێکە دەردی فیراقت حاڵمی شێواندوە
بۆیە ئێستە تاسەی بۆنی زوڵفی تاتارت ئەکەم
عشرەتی گیان و دڵ و چاو بەینێکە بێ عوشرەتن
خاتوونی دیوانم وەرە بەسەر کۆمارت ئەکەم
نێشی زوڵفت ژهری ماری ئەژدەریشی پێوە بێ
شەهدە لام چون عاشقم حەز بە ئازارت ئەکەم
گەر بە شعاری ناتیقناسناوی ئەدەبیت دڵبەندی وا هەر هەموو
توحفەی غەزەلم قوربانی هەوریەکەی لارت ئەکەم