بێینە سەر باری حەقیقەت دڵم ئێشاوە گوڵم
لە کتێبی:
دیوانی ناتیق
بەرهەمی:
ناتیق (1886-1967)
1 خولەک
843 بینین
بێینە سەر باری حەقیقەت دڵم ئێشاوە گوڵم
چونکە ئێستە چەشنی بولبول بێ هێلانە و بێ چڵم
کۆشی گەرمت ئاشییانەی ڕۆژ و شەوم بوو کە چی
بە قەولی ڕەقیبی ناکەس شێواندووتە مەنزڵم
وەرزێر باشێکی مەزرعەی حوسنت بووم نازانم بۆ
وا بە جارێ ئاگرت بەردایە دەخڵ و حاسڵم ؟
هەر بە عیشقی چاوی تۆوە ڕۆژووم دەگرت نازەنین
لەو دەمەی تۆ لووتە لا بوویت منیش ڕۆژوو بەتاڵم
چاوێ بخشێنە بە خەتی تۆماری سەوداسەرییم
جا دەزانی بۆ نیگایەک چەند دەمێکە ماتڵم
بێرە سەر ڕەسمی جاران و ڕەحمێ بە حاڵی من بکە
بێ ڕەواجە ئێستە سککەم بەدەر لە ڕەویەی عاقڵم
ناتیقناسناوی ئەدەبیم گۆیای حەقم دڵگران مەبە دەڵێم
گوناهـ لە تۆ بوو کە وا دڵم ئێشاوە گوڵم