ڕۆژ و شەو چاوەڕوانی دڵبەرم
لە کتێبی:
دیوانی ناتیق
بەرهەمی:
ناتیق (1886-1967)
1 خولەک
1006 بینین
ڕۆژ و شەو چاوەڕوانی دڵبەرم
وەک تەبیبی مهرەبان بێتە سەرم
بێت و چارەی دەردی عیشقم زوو بکا
بدا شەوقێ بە دڵەی پڕ کەدەرم
بۆ لەحزەیەک چاوی بازیم تێبڕێ
سایەی هوما ئەنیشێتە سەر سەرم
پاشاهی حەوت ئقلیمی جیهان بم
دەیخەمە بەر پێ دەیهەم و زێوەرم
کوشتمی وا کوشتمی دەردی فیراق
بەزەییت بێ بە حاڵمدا بەشەرم
بەبێ هودە هەڵئەدەم نەدری بەخت
ئەو بە حیلە گرتوویەتی شەشدەرم
نائومێدی باش نییە «ناتیق » بڵێ
خوا کەریمە هەر ئەبێتە هاوسەرم