٤ ترانه‌های کردی کرمانشاهی تحت تأثیر لهجه لکی
لە کتێبی:
گۆرانی
بەرهەمی:
محەممەد موکری (1921-2007)
2 خولەک
1528 بینین
٢٠٥
هەر کوورە مەچی، ئەللا یارت بووت
ئاوەکەی زەمزەم سازگارت بووت
٢٠٦
کرماشان مەچم بیستوون ڕامە
قەتڵگای فەرهاد شەو مەنزڵگامە
٢٠٧
بەو بچیمنە وەیس پەی تەوبەکاری
تەوبەی کول بکەیم غەیر ژ دڵداری
٢٠٨
دوەشەو دیمە خەو قوولەی وەرینم
جامی پڕ ژە مەی هاتنە سەرینم
٢٠٩
کونە زامانم وە ناسوور کەفتە
نەمام دوو دەرمان، کام دووس شنەفتە
٢١٠
ئەر مەزانسیام دووری دووس وەسە
مەنیشتیام وە بێل، هەر بێلیک خاسە
٢١١
لارەلار مەکە من لارەکیش نیم
خولقت تەنگ مەکە، من لەیردانیش نیم
٢١٢
زامدارم مەکە، زام وە پامەوە
بەو وە خەنە خەن، بنیش لامەوە
٢١٣
ڕیەکەی تاقوەسان، هەر تووزەو مەکەی
دڵم تەشویش ئەو دووسەو مەکەی
٢١٤
ئەوسا مناڵ بیم، مناڵیک بەدخوو
وەنەو مناڵەیل خاک مەکردم کوو
٢١٥
زولفت وە سوورەت پەریشان مەکە
وەک مانگ ژیر هەور، ڕوو پنهان مەکە
٢١٦
کزە کز مەکە، کزەت وە گیانم
کزەت چو ئەڵماس پەی کەی سوخانم
٢١٧
چەوەیل مەست پڕ ژە بادە بووت
دڵ وە یەکی دە نەجیمزادە بووت
٢١٨
ئەی خاڵوو ڕیوار! بەو مەچوورەوە
وەسەر سینەکەت جیم بکەرەوە
٢١٩
وە بەغداد مەچیت، خانەقین ڕیتە
ئەنگوشتەرەکەی، یادگاریم پیتە
٢٢٠
چەوەیل مەرەژوو، زولفەیل مەدەی لوول
وە توواف مەچی وە بارگەی بالوول
٢٢١
پەر شۆیەکەت مەکەری وە کیش
بیچارەی چو من مەکە تۆ دەوریش
٢٢٢
بیلا کەوشەکەت نالەکیدار بووت
هەر کوورە مەچی شونی دیار بووت
٢٢٣
تالی وە زولفت وەرەو خوار مەکە
بیچارەی چو من گرفتار مەکە
٢٢٤
بەو تا بکەریم جاهلی ویمان
دونیا تا وەسەر نیان وە پیمان
٢٢٥
بەو بچیمنە وەیس، پیر ویمانە
لە وەیس بپرسم، گونای کیمانە