بیانووی نەوسنیم دۆزیەوە بۆخۆم
لە کتێبی:
پەندەکانی پیرەمێرد
بەرهەمی:
پیرەمێرد (1867-1950)
1 خولەک
811 بینین
بیانووی نەوسنیم دۆزیەوە بۆخۆم
ئەوی ئازایە بڵێت: من ناخۆم
برسێتی ڕەگی هاری پێوەیە
وەک زستان تۆفە و بە کڕێوەیە
ئەو هەرا و جەنگە هەر بۆ خواردنە
نەخواردن دوایی گیان سپاردنە
ئەو دەخوا ئەمیان تەماشا دەکا
دیارە لە دۆستی ئەو حاشا دەکا
یەکێ زۆردارە و یەکێ بێ زۆرە
بۆیە لەناوا فیتنە و زۆر زۆرە
هەرچی بە بەشی خۆی ناڕازییە
ناسزا و سزای جەزای قازییە
کەس بە خۆی ناڵێ سبەینێ دەمرم
بۆچ باری گوناهـ لە ئەستۆ دەگرم
چەقەڵ کە فرسەت لە مریشک ئەبینێ
لە پێشدا بەڕیز ئەیانخنکێنێ
ئەڵێ کە خنکان فرێ ئەدرێن
بەناچار هەموو بە من ئەبڕێن
نازانێ سەگی چەقەڵکوژ هەیە
ئەوی بە «وەیە» گۆڕی ئەوەیە
گشت سەرنەویشتی ڕۆژی ئەزەلە
ئێمە دەخاتە سەر پەلەوزەلە
لەولایشەوە پێم ئەڵێ: موختاری
کردە، خوا کردە و تۆ گوناهکاری