گرپە و گڕەی تەنوورە بڵێسەی هەناوەکەم
لە کتێبی:
دیوانی ئەحمەد موختار جاف
بەرهەمی:
ئەحمەد موختار جاف (1896-1935)
1 خولەک
856 بینین
گرپە و گڕەی تەنوورە بڵێسەی هەناوەکەم
سیروان و تانجەڕۆیە خوڕەی ئاوی چاوەکەم
شێواوی موویی خاوی کەسێکم بە ڕۆژ و شەو
بۆیە پەشێوە ئێستەکە، بیرە بڵاوەکەم
ڕۆژێ بە پێکەنینەوە فەرمووی دە بێرەوە
بۆ پاسی نیوەشەو سەگە قول هەڵکراوەکەم
دیسان وتی: شەکەر لە دەمت دێتە دەر ئەگەر
ژەهریش بخۆیتەوە کە ببێ بێنی ناوەکەم
ئەم کۆمەڵی گوڵاڵە کە ئاڵن لە کێو و کەژ
ئاویان دراوە گشتی بە خوێنە ڕژاوەکەم
تۆ بێ خودا دەسا وەرە ئەی نووری چاوەکەم
ساڕێژ کە زامی لەتلەتی جەرگە بڕاوەکەم
باوەڕ مەکەن ببن بە - -دەقی نائاشکرا کوردی شارەزوورناوی تایبەت
بێ ترس ئەڵێم لە ڕاستی دڕاوە کڵاوەکەم