نەبە مەندیل و حەڵاڵی بەشەری
پلکە سەوەر
لە کتێبی:
دیوانی موخلیس
بەرهەمی:
موخلیس (1910-1985)
1 خولەک
612 بینین
نەبە مەندیل و حەڵاڵی بەشەری
نە بە کەسک و نەبە ڕیش موعتەبەری
مەکە ئیزهاری ویلایەت بە درۆ
دەمی ناگا بە برنج کەر بە کەری
کە بە چاو پێت نەکرێ بچیە چیا
دەبێ بێ چاو بکرێ بچیە سەری
مەخە سەر زار و دەمی خۆت قسەیێ
کە نەزانی چییە نەفع و زەرەری
قسەیێکی مەکە لای ئەهلی شعوور
کە لەتوو زێدە بی قەدر و قەدەری
بە هەوڵدان دەگەیە ئەهلی هونەر
بە قسە هەر کوڕی پلکە سەوەری
کە ئەتوو هەروەکوو ژن نەچیە دەرێ
بە چ توو هەروەکوو ئەهلی هونەری
وەکوو یەک نین خەزەف و دوڕی سەدەف
کە ئەتوو فەرقی نەکەی جانەوەری
بە تەمای غونچە بی ساتێ مەخەوە
بگرە دامەنی بادی سەحەری
دڵی خۆت ڕاگرە بۆ یار چ دەکا
حەرەسی شاهی مەبزوە لە دەری
بە قسە موخلیسناسناوی ئەدەبیی بێ نوور و نەزەر
وەکوو شەخسێکی بە نوور و نەزەری