یاری کەس ناکا فەلەک تا ناکەس و سفڵە هەبێ
وێر و ئەدەب
لە کتێبی:
دیوانی موخلیس
بەرهەمی:
موخلیس (1910-1985)
1 خولەک
765 بینین
یاری کەس ناکا فەلەک تا ناکەس و سفڵە هەبێ
بەوکەسەی نادا ڕووەت، مەشهور بی وێر و ئەدەبی
هەرکەسێ چەرخی فەلەک کردیە قاڕوونی زەمان
هەر تەماشای بکە بۆخۆت و مەپرسە سەبەبی
بێ بوخار نابی چ بەحر و بێ دڕی نابی چ گوڵ
وەک چرای موستەفایی و دووکەڵی بوولەهەبی
هەرکەسێ خۆی نەوێ بۆتۆ، ببە خاکی بەری پێی
کوردە یاخود عەرەبە بۆچتە ئەسڵ و نەسەبی
موخلیساناسناوی ئەدەبی یار هەیە لوتفی بە زمان و بە قەڵەم
نابی هیچ شوکری لەبیر بکرێ بە کوردی و عەرەبی