قەت لەگەڵ ئینسانی کم یاری مەکە
باربەر
لە کتێبی:
دیوانی موخلیس
بەرهەمی:
موخلیس (1910-1985)
1 خولەک
661 بینین
قەت لەگەڵ ئینسانی کم یاری مەکە
گەر ببیتە باربەرت، باری مەکە
غەیری سفڵە گەر کەسێکت دەست نەکەوت
گەر لە تۆفان دابی هاواری مەکە
چاکە هەر چاکە لەگەڵ سفڵەش بکە
مارە ئەمما قەت برینداری مەکە
عاقڵێکت دەستکەوێ بیکە بە دۆست
قەت لە دۆستایەتی بێزاری مەکە
موخلیساناسناوی ئەدەبی هەر یاری تەنیایی بکە
پێت ئەڵێم چیدیکە لاساری مەکە