گەدایی شاهم و شاهی جیهانم
ساحێب قڕانم
لە کتێبی:
دیوانی موخلیس
بەرهەمی:
موخلیس (1910-1985)
1 خولەک
982 بینین
گەدایی شاهم و شاهی جیهانم
غوڵامی عیشق و ئازادی زەمانم
خودانی دە وڵاتی عیشقم لەبۆیە
قڕانێکم نییە و ساحێب قڕانم
تەجەللا گەر بکا بۆ دڵ نیگارم
لەنێو ڕووحانییان ڕووحی ڕەوانم
لەلای یار گەرچی زۆر هەرزان و سووکم
لەلای بادەفرۆشان زۆر گرانم
ئەگەر ساقی بدا مەی تا بەیانی
دەزانم لیلە القدرعەرەبیە دەزانم
لە مەیخانە ئەگەر مەرگم نەسیب بی
شەهیدی زاویەی بیت الامانعەرەبی م
لە ڕێگەی عیشقەوە گەر بێت و بمرم
دەمینێ تا ئەبەد ناو و نیشانم
کە لاهووتیم بە ناسووتی بەدەل بوو
ڕەقیب شادبوو کە تێکچوو ئاشیان
لەبەینی خۆم و یار هەر خۆم حیجابم
کلیلی وەسڵە لام وایە، نەمانم
بە زاهیر گەرچی زۆر دوورم لە ڕەندی
لە دڵدا موخلیسی پیری موغانم