تێهەڵکێش
یەکێکی تر لە هونەری جوانکاری وشەیی «تێهەڵکێش»ە بەلاغەی عەرەبیە «تضمین»ی ناو بردووە.
«تێهەڵکێش» لە بارەی ڕەوانبێژییەوە ئەوەیە کە هۆنەر دێنێ هۆنراو، وە یا نیوە هۆنراوی یەکێکی تر ئەخاتە ناو هۆنراوی خۆیەوە، وا ئەبێ بە هێما، وە یا بە ئاشکرا ناوی هۆنەرە لێی وەرگرەکە ئەهێنێ، وە یا لەبەر ناوبانگیەک کە هەیەتی ناوی ناهێنێ. بەم ناو هێنانە، وە یا هێما بۆ کردنە ئیتر لەوە دەر ئەچێ کە بوترێ ئەمە لە یەکێکی تری وەرگرتووە، وە یا دزیویەتی. مەرجیش نییە ئەو تێهەڵکێشە کە ئەیکا هەر لەو زمانەدا بێ، بەڵکوو بۆی هەیە لە زمانی تریشەوە بۆی بێنێت. ئا ئەمەیان زیاتر لەگەڵ زمانی کوردیدا ڕۆیشتووە تا عەرەبی و فارسی.
بەلای هەندێ لە زانایانی بەلاغەوە هۆنەرەکە لە باتی ئەوە هۆنراوێک، یا نیو هۆنراو بێنێت ئەتوانێ پارچەیەک لە نیو هۆنراو بێنێت و بیخاتە ناو هۆنراوەکەی خۆیەوە.
بەلای منەوە ئەمە نابێ، چونکە ئەگەر وایکرد لەگەڵ لێی وەرگیراوا جیا نابنەوە، بە تایبەتی لە کاتێکا کە هێمایەک نەبێ بۆ خاوەنەکەی.
ئەمە و دیسان «تێهەڵکێش» هەر ئەبێ لە هۆنراودا بێ، لە پەخشانا نابێ، چونکە هیچ «ایداع» و جوانکاریەکی تێدا دەر ناکەوێ.
ئەمجا وێنە بۆ ئەمانە.
«پیرەمێرد» هۆنراوی «مەولەوی» هێناوە و خستوویەتە ناو هۆنراوی خۆیەوە و ئەڵێ:
وە یا «ناری» نیوە هۆنراوی «تاهیربەگ» ئەخاتە ناو هۆنراوی خۆیەوە و ئەڵێ:
وە یا «سالم» ئەڵێ:
وە یا «شوکری فەزلی» ئەڵێ: