ئەی خالیقی لەمیەزەلی، بسم الله الرحمن الرحيم
لە کتێبی:
دیوانی ئەحمەدی کۆر
بەرهەمی:
ئەحمەدی کۆر (1771-1856)
2 خولەک
1052 بینین
ئەی خالیقی لەمیەزەلی، بسم الله الرحمن الرحيمعەرەبی
دنیات ڕۆنا لە ئەزەلی، بسم الله الرحمن الرحيمعەرەبی
تۆ ڕەحیم و تۆ ڕەحمانی، یا خێوی سیڕڕی پەنهانی
لە دنێ نەبوو ئاوەدانی، بۆخۆت شەیتانت کرد ڕەجیم
ڕەجیمت کرد ئەو حیلەگەر، ئەی خوای لە ژووری بانی سەر
نە ئادەم بوو نە پێغەمبەر، بۆخۆت بووی قەدیمولقەدیم
خالیق هەر تۆی بێ فکری، تۆ ئەزەلی و تۆ ئاخری
تۆ ئەرز و ئاسمان ڕاگری، ماشەڵڵا تۆی گەورە و عەزیم
خالیق تۆی عەزیم و گەورە، داتناوە ساماڵ و هەورە
مەخلووقی تۆ بە سەد تەورە، شەل و کوێر و ساغ و سەلیم
شەل و کوێری تۆ هەزارە، پەنام بە تۆ خانەدارە
ئەحمەد زەلیل، گوناهبارە، اَسْتَغْفِرُ اللَّهَ الْعَظِيمعەرەبی
تۆ عەزیمی، تۆ سەرداری، ڕۆزیدەری مەل و ماری
لە گشت کارێک خەبەرداری، دەکەم تۆبەی فیعلی قەدیم
دەکەم تۆبەی بە ئیخلاسی، محەممەد دانەی دوڕناسی
هەر تۆ بۆ سەرداری خاسی، ئەزەل ئەلف دوو مات و میم
ئەزەل ئەلفە ناوی ئەڵڵا، قیبلەمانە، کابەتوڵڵا
بە نەسیبمان کە ئینشەڵڵا، بە شەرافەت ئیسمی عەزیم
بە شەرافەت پادشای لە ژوور، محەممەدت خوڵقاند لە نوور
لە عالەمی دەتکرد مەشهوور، هەر تۆی بەخشندە وو کەریم
کردت بە پادشای عالەمێ، ئەی خودای ساحێب کەرەمێ
ڕەسیدەم تازە دەگەمێ، اَسْتَغْفِرُ اللَّهَ الْعَظِيمعەرەبی
پەنام بە تۆ ئەی غەففارە، ئەحمەد بۆمان تکاکارە
ئەحمەدی کۆرناسناوی ئەدەبی گوناهبارە، اَسْتَغْفِرُ اللَّهَ الْعَظِيمعەرەبی