پیاوێکی دەوڵەمەند ئەسپێکی چاکی هەبوو ون...
لە کتێبی:
ڕشتەی مرواری (بەرگی ٣)
بەرهەمی:
عەلائەدین سەجادی (1907-1984)
1 خولەک
736 بینین
پیاوێکی دەوڵەمەند ئەسپێکی چاکی هەبوو، ون ببوو، جاڕچی بۆ گرت کە هەر کەس بیدۆزێتەوە سەد قڕان موژدە وەربگرێ، کابرایەکی کورد بە پەلەپەل چوو و وتی: «ئاغا ئەسپی جەنابت گووم بووە و ڕاستە فەرمووتە هەرکەس بیدۆزێتەوە سەد قرانی ئەدەمێ؟» ئاغا وتی: بەڵێ، ئیشەڵڵا دۆزیوتەتەوە. کابرا وتی: «نەخێر نەمدۆزیوەتەوە. هەر بۆی ئەگەڕێم، بەڵام هاتوومەتە خزمەتت، بەڵکە پێشەکی «پەنجا» قڕانێکم بدەیتێ، هەتا بە خێر ئەیدۆزمەوە».