جێژنی قوربان هات و قوربان من خەریکم غەم دەخۆم
لە کتێبی:
دیوانی عاسی
بەرهەمی:
مەلا مستەفای عاسی (1885-1975)
1 خولەک
1277 بینین
جێژنی قوربان هات و قوربان من خەریکم غەم دەخۆم
دەست دەبەم بۆ سەر تەعام و وادەزانم سەم دەخۆم
ئێشی دەردی دڵمە جانا وا منی خستە فغان
خوێنی جەرگی خۆمە دائیم من بە زار و دەم دەخۆم
ئەلبیسەی جێژنم ببینە حەسرەت و ناڵاندنە
راحة الحلقومعەرەبی بخۆم و عەینی هەر شەڵغەم دەخۆم
زەوقی تێکداوم بە جارێ لەززەت و خۆشیم نەما
قووتی ڕووحم بۆتە میحنەت قووتی دڵ کەم کەم دەخۆم
بۆیە نابووت و زەبوونم ڕەنگ و ڕووم وا زەرد بووە
بولبول ئاسا غەم لە وەسڵی غونچەیی نەو دەم دەخۆم
دەردی من پەنهانە قوربان چاکە ئەمجا پێت بڵێم
زەهری جەوری دوژمنانە من لەباتی جەم دەخۆم
تۆی تەبیبی عاسیناسناوی ئەدەبی سەد دەخالەت چارەیێ
ژیانی من کەلکی نەماوە میحنەتی مەرهەم دەخۆم