ئەمە یەکێکیە لە ئامۆژگارییەکانی ڕەحمەتی...
لە کتێبی:
ڕشتەی مرواری (بەرگی ٨)
بەرهەمی:
عەلائەدین سەجادی (1907-1984)
1 خولەک
931 بینین
ئەمە یەکێکیە لە ئامۆژگارییەکانی ڕەحمەتی، ئەیفەرموو:
بەزەییت بەمانەدا بێتەوە تا خواش بەزەیی بە تۆدا بێتەوە:
ژنێکی جوان کە مێردەکەی چووبێ بۆ سەفەر.
دڵسووتاوێک کە یەکەمجار تووشی یارەکەی ئەبێ و حەیتەکەی هەڵناستێ.
کابرایەک کە ئەچێتە ژوورەوە بۆ شایەتی و کابرایەی تر ئەو شایەتیەی بە دڵ نابێ، چونکە شایەتیەکەی ئەو لە قازانجی ئەو نابێ، کابرا لێی مۆڕ ئەبێتەوە ناوچاوی لێ گرژ ئەکا.
ئەو دەستەیە کە لەسەر مێزی خواردنەوە دانیشتوون و قومێکیان خواردووە و هێشتا سەر خۆش نەبوون عەرەقەکەیان ڕژاوە.
کوڕە گەنجێک کە بە دەست ژنێکی پیری قۆڵتڕەوە گیری خواردووە.
کچێک کە «بن» ەکەی نەماوە و شەوی گواستنەوەشی نزیک بۆتەوە.
ئەو ژنە کە جلێکی تەڕی لە سەر تەناف هەڵخستووە، کتووپڕ تەنافەکە ئەپچڕێ و جلەکان ئەکەونە سەر خۆڵەکە، ئەویش ئەڵێ: ئەی.