شێخ محەمەدی شێخ جەلال گێڕایەوە وتی مامە...
لە کتێبی:
ڕشتەی مرواری (بەرگی ٦)
بەرهەمی:
عەلائەدین سەجادی (1907-1984)
1 خولەک
432 بینین
شێخ محەمەدی شێخ جەلال گێڕایەوە وتی:
مامە شێخ مستەفام (شێخ مستەفای شێخ نەجیب) هاتە مزگەوتی ئێمە. عەبەی تەڵەمشک هەستا قوتو جگەرەکەی خۆی کردەوە جگەرەیەکی دا بە مامە شێخ مستەفام و بۆشی داگیرساند، بە لای جگەرە کێشەوە کە جگەرەی گۆڕی پێی ئەکۆکێ. مامە شێخ مستەفام دەستی کرد بە کۆکە و وتی: عەبە جگەرەکەت توندە. عەبەش هیچ سێ و دووی لێ نەکرد وتی: «قوربان جگەرەکەم نێرەکەر ئەتڕێنێ». ئەمەی هەر ئەوتەوە، ناچار مامە شێخ مستەفام هیچ دەنگی نەکرد، هەر ئەوەندە نەبێ وتی: «باشە، باشە عەبە».