امین السادات هەبوو لەم ئاخرەدا کەوتبوو...
لە کتێبی:
ڕشتەی مرواری (بەرگی ٥)
بەرهەمی:
عەلائەدین سەجادی (1907-1984)
1 خولەک
447 بینین
«امین السادات» هەبوو، لەم ئاخرەدا کەوتبووە بیارە. ڕۆژێک ئەچێتە دەرەوە، لەو کەژە خەریکی پیشۆک خواردن ئەبێ. کابرایەکی جاف- کە خزمەتکاری ماڵی مەحموو پاشا بوو- ئەچێ بە سەریاو ئەڵێ مامە سەی ئەوە چێ ئەکەی؟ ئەڵێ برا گیا ئەخۆم. ئەڵێ جا مامە سەید بۆ چ ناچی خزمەتکاریی ماڵی پاشا بکەیت و گیا نەخۆی. ئەویش ئەڵێ: «خاڵە جا تۆ بۆ ناچی گیا بخۆیت و خزمەتکاری ماڵی پاشا نەکەیت»