لە دانیشگای کوردی لە بەغدا لە پۆلی سێ...

لە دانشگای کوردی لە بەغدا لە پۆلی سێ، قوتابییەکان وا چووبووە دڵیانەوە کە من کەسیان ناناسم وە منیش هەر وام پیشان ئەدان. ڕۆژێک کە ڕۆژی ١٩٧١/٤/٢٨یە یەکەم سەعات دەرسی ئەوانم هەبوو، یەکێک لە قوتابییەکان کە ناوی عەبدولڕەحمان بوو، وتی مامۆستا تۆ لە ناو ئێمەدا تەنها جەمیل هەمزە نەبێ کەسمان ناناسی. منیش گورج وتم کامەتە جەمیل؟ ئەویش هەر خێرا پەنجەی درێژ کرد بۆ جەمیل و وتی ئەوەتە.