دوو کابرا بە لای مەڕێکا ئەڕۆن یەکێکیان ...
لە کتێبی:
ڕشتەی مرواری (بەرگی ٤)
بەرهەمی:
عەلائەدین سەجادی (1907-1984)
1 خولەک
704 بینین
دوو کابرا بە لای مەڕێکا ئەڕۆن، یەکێکیان ئەڵێ: ئێستە من بە قرانێک بەرانێک لەم شوانە ئەسێنم. کابرای هاوڕێی ئەڵێ: چۆن؟ ئەڵێ: چاوم لێ کە.
ئەچێ بە لای شوانەکەوە و ئەڵێ: کاکەی شوان ئا ئەوە قرانێک و گیسکە لەڕێکم بدەرێ. ئەویش ئەیداتێ و لێی وەرئەگرێ. ئەڵێ: کاکەی شوان! قرانەکە و گیسکەکە بۆ خۆت بەرخێکم بدەرێ. ئەیداتێ و لێی وەرئەگرێ. ئەمجا ئەڵێ: کاکەی شوان! قرانەکە و گیسکەکە و بەرخەکە بۆ خۆت، بزنێکم بدەرێ. ئەیداتێو لێی وەرئەگرێ. ئەمجا ئەڵێ: کاکەی شوان! قرانەکە و گیسکەکە و بەرخەکە و بزنەکە و مەڕەکە بۆ خۆت، بەرانێکم بدەرێ. ئەیداتێ، لێی وەرئەگرێ و دێتەوە!