ئەگەر شاهم وەگەر شاهین و بازم يا رسول الله

لە کتێبی:

دیوانی بێخود

بەرهەمی:

بێخود (1879-1955)

1 خولەک 4481 بینین

زمان:

کوردیی ناوەندی

قاڵب:

غەزەل

کێش:

فۆنت:

ئەگەر شاهم، وەگەر شاهین و بازم

وەتەن ئاوارە و هێلانەوازم

بە ڕۆژ پەروانەیێکی دڵشکاو و بێ پەڕوباڵم

بە شەو شەمعێکی پڕ سۆز و گودازم

لە تێغی قەهر و ڕوتبەی ئیلتیفاتی تۆوەیە قوربان

ئەگەر گەردەنکەچم یا سەرفەرازم

بە وەرچەرخاندنێکی ڕووت هەتا هەم کەوتووم بێناز

بە لوتفێکت لە عالەم بێ نیازم

لە تێکۆشینی ڕزگاری منی ئاوارەدا کول بوون

هەموو باپیرەکانی دڵنەوازم

ئیتر هەر خۆت ئەبێ چارەم بفەرمووی چونکە هەر خۆتی

تکاکارم، موعینم، چارە سازم،

ئەزانم خۆ خیلافی ئەمری تۆم زۆر کردووە، ئەمما...

کوڕی خۆتم بە لوتفی تۆ ئەنازم

نەجاتم گەر بدەی زوو بۆ تەوافت حازرم، یەعنی...

بە کەعبەی ڕووت ڕووەو خاکی حیجازم

غوڵامێکم ئەوا خۆم خستە قاپی غیرەتی تۆوە

بەناو «مەحموود» م ئەمما هەر «ئەیاز»م

دەستم کە بە سەد وەعدە لە سەد لاوە شکاوە بێ قەدی تووبایی تۆ سەروی ڕەوانم بۆ چییە