بە خوڕ دیسان ڕژا فرمێسکی باران
لە کتێبی:
دیوانی بێخود
بەرهەمی:
بێخود (1879-1955)
2 خولەک
1538 بینین
بە خوڕ دیسان ڕژا فرمێسکی باران
لە هەوری چاوی سووری دوڕنیساران
تەمی ماتەم وڵاتی کوردی داگرت
لەپڕ وەک دووکەڵی ماکینە، شاران
زەمین بۆ قوڕ نەپێوێ وەک من و تۆ
زەمان بۆ چی نەشێوێ چەشنی جاران
جەنابی حەپسە خانناوی تایبەت تەشریفی ڕۆیی
شکا پشتی فەقیران و هەژاران
ژن، ئەمما في الحقيقةعەرەبی خادیمەی قەوم
کە یەعنی سەییدەی غیرەت شکاران
ڕەئیسە و خانەدانزادەی سەیادەت
ئەمیر و شای ژنانی بەختیاران
تەبیبەی دەردی بیمارانی برسی
کەرەمبەخشی برینی دڵفەگاران
مشوورخۆری گرۆهی ئادەمیزاد
لە منداڵ تا ئەگاتە دەسبەداران
لە کوورەی ئاگری غەمدا مەپرسن
لە سۆزی ئاهـ و ناڵەی بێقەراران
ئەشێ حەسرەتنوشینی شینی ئەو بن
مەلا و شێخ و گەدا تا تاجداران
فیداکاری غەریب و خۆوڵاتی
وەفاداری لەبار و نالەباران
بە خۆڕایی لەبەر پێیا نەکەوتوون
لە پیرێژن هەتا سیمین عوزاران
کە گوڵ ڕۆیی لە باخا بۆ نەناڵن
هەتا مردن هەزاران وەک هوزاران
بە میلادی، وەفاتی، گەر ئەپرسن
درێغ بۆ حەپسە خانحسێبی ئەبجەد: دريغ بو حبسه خان =١٩٤٨ تەئریخە، یاران
ئەگەر هیجریش ئەڵێن ئەو بوو مشوورخۆرحسێبی ئەبجەد: او بو مشورخور =١٣٦٧
بە جیددی بۆ زەلیل و لەش بەباران
ئەتۆش بێخودناسناوی ئەدەبی بڵێ دایم ڕووەو بەیت
بە هاوین و بە زستان و بەهاران
خودا جێگەی بەهەشتی جاویدان کەی
بە جاهی جەددی خۆی و ئال و یاران