کۆڕێک بوون لە لای من دانیشتبوون باسی...
لە کتێبی:
ڕشتەی مرواری (بەرگی ٢)
بەرهەمی:
عەلائەدین سەجادی (1907-1984)
1 خولەک
454 بینین
کۆڕێک بوون لە لای من دانیشتبوون باسی پۆستەی میسر و عێراق ئەکرا، کە کاغەز لە عێراقەوە ئەچێ بۆ میسر و پووڵی پۆستەکەی ١٤ فلسە، کەچی لە میسرەوە دێ بۆ عێراق و پووڵەکەی ١٥ فلسە، ئەو فلسە زیادەیە ئەبێ لەبەر چی بێ؟ یەکێک لە کۆڕەکە بوو شێخ عەبدوڵڵای ناو بوو، بە ساردییەکەوە وتی: «هەڵبەت لەبەر ئەوەیە کە لەوێوە بۆ ئێرە سەرەوژوورە، بۆیە ئەو فلسە زیادەیە وەرئەگرن».