کابرایەکی کورد جارێک چێشتی برنج ئەخوا چێ...
لە کتێبی:
ڕشتەی مرواری (بەرگی ٢)
بەرهەمی:
عەلائەدین سەجادی (1907-1984)
1 خولەک
514 بینین
کابرایەکی کورد جارێک چێشتی برنج ئەخوا، چێشتەکە زۆر گەرم ئەبێ، هەموو دەمودانی ئەسووتێنێ و ئیتر جارێکی تر ناوێرێ توخنی برنج بکەوێ! ڕۆژێک تووشی کابرایەک ئەبێ گوێدرێژێکی بە بارەوە لە پێشییەوەیە، لێی ئەپرسێ: برا باری گوێدرێژەکەت چییە؟ ئەڵێ: برنجە. «ئەڵێ: ئای بە قوربانت! لێی بکەوە ئەگینا هەر ئێستە پشتی کەرەکە ئەسووتێنێ!»