دەستەیەکی ئەو سەردەمە ڕۆژێک ئەچنە دەرەوە ...
دەستەیەکی ئەو سەردەمە، ڕۆژێک ئەچنە دەرەوە بۆ ڕاوە «جوڕە» بە پەلەپیتکە، کتوپڕ تفەنگێکی ساچمەزەن ئەدۆزنەوە، لێیان ئەبێ بە هەرا، نازانن چییە؟ ئەیهێننەوە بۆ ئاوایی و عەشیرەت و پیاوماقوڵی لێ کۆ ئەبێتەوە و ئەکەونە ڕاوێژکردن و هەڵهێنانی ئەم بەڵا گەورەیە، کە خوا بە سەریا داون و نازانن چییە؟ یەکێ ئەڵێ: ئەمە حوشتری دەشتی عەرەبستانە و لە کاروان بەجێ ماوە. یەکێ ئەڵێ: ئەمە بای غەزەوە و باڵی شکاوە! بەکورتی یەکێکی تر ئەیکا بە قاز و یەکێکی تریش بە باز!
لالە تۆماس هەڵئەداتێ و ئەڵێ: ئێوە هیچتان عەقڵتان نییە، ئەمە قەننەی خوایە و لەوێدا لێی بەجێ ماوە. هەموویان ئەکەونە زڵپ و بڵێ، ئەڵێن: ڕاست وایە. ئنجا ئەڵێ: بۆ ڕاستی و درۆیش کەڵە پشکۆیەکی لەسەر دانێن تا بۆتان تاقیی کەمەوە، هەی بێعەقڵینە! پشکۆی بۆ لەسەر چاسمە دائەنێن و دەم ئەنێ بە لوولەکەیەوە و نەفەسی لێ ئەدا، لەگەڵ نەفەس لێدانا تفەنگ ئەتەقێ و مێشکی ئەبا بە عاسمانا! لالە برزوویش هەڵئەداتێ و ئەڵێ: ئەوە دەردت وێ، بە قەننەی خوا سەویل ئەکێشی!