desteyekî ew serdeme řojêk eçne derewe ...

desteyekî ew serdeme, řojêk eçne derewe bo řawe «cuře» be pelepîtke, kitupiř tifengêkî saçmezen edoznewe, lêyan ebê be hera, nazanin çîye? eyhênnewe bo awayî û ’eşîret û pyawmaqułî lê ko ebêtewe û ekewne řawêjkirdin û hełhênanî em beła gewreye, ke xwa be serya dawin û nazanin çîye? yekê ełê: eme ḧuştirî deştî ’erebistane û le karwan becê mawe. yekê ełê: eme bay ẍezewe û bałî şikawe! bekurtî yekêkî tir eyka be qaz û yekêkî tirîş be baz!

lale tomas heł’edatê û ełê: êwe hîçtan ’eqłitan nîye, eme qenney xwaye û lewêda lêy becê mawe. hemûyan ekewne ziłp û biłê, ełên: řast waye. inca ełê: bo řastî û diroyş kełe pişkoyekî leser danên ta botan taqîy kemewe, hey bê’eqłîne! pişkoy bo leser çasme da’enên û dem enê be lûlekeyewe û nefesî lê eda, legeł nefes lêdana tifeng eteqê û mêşkî eba be ’asmana! lale birzûyş heł’edatê û ełê: ewe derdit wê, be qenney xwa sewîl ekêşî!