پیاوێک گێڕایەوە وتی چوومە حوجرەی مەلایە...
لە کتێبی:
ڕشتەی مرواری (بەرگی ٢)
بەرهەمی:
عەلائەدین سەجادی (1907-1984)
1 خولەک
1110 بینین
پیاوێک گێڕایەوە وتی: چوومە حوجرەی مەلایەک، کە بە مناڵانی ئەخوێند، سەیرم کرد هەر خۆیەتی. وتم: ئەفەندی ئەوە کوا مناڵەکان؟ وتی: وان لە کۆڵانا یاری ئەکەن. وتم: حەز ئەکەم چاوم پێیان بکەوێ. وتی: «فڵانی ناوێرم لەگەڵت بێم پێشانت بدەم، خۆت بچۆ ئەوا لەو کۆڵانەن، چاوت پێیان بکەوێ، بەڵام سەرت ڕووت کە، نەوەک لە دوورەوە بە منت بزانن، دێن و بە پەنجە و فیکە چاوت کوێر ئەکەن».