ئەی حەددی کبریات وەرای فەهمی ماسیوا
لە کتێبی:
دیوانی ئەدەب
بەرهەمی:
عەبدوڵڵا بەگی میسباح دیوان (1859-1916)
2 خولەک
1531 بینین
ئەی حەددی کبریات، وەرای فەهمی ماسیوا
وەی حەسری ئیعتیلات لە وەهمی مە، ماوەرا
چ بکەم! ئەگەر نەکەم سەر نامە، بە نامی تۆ
چ بڵێم! ئەگەر نەڵێم سەر دەفتەر: هُوَ العُلاعەرەبی
ئەووەڵ ئەتۆی و ئاخر ئەتۆی، هەرچی هەی، ئەتۆی
نەت ئیبتیدا لە ئەووەڵ و نەت ئاخر، ئینتیها
خەللاقی ئینس و جانی و ڕەززاقی دام و دەد
سەتتاری عەیب پۆش و خەتابەخشی ذو العَطاعەرەبی
تۆی سانیعی بەدیع، لە یەک قەترە ئاوی خام
چەندین هەزار چیهرە، دەکەی: یەک لە یەک جودا
تۆی موبدیعی موحیتی سەماواتی سەرنگوون
تا کەشتی کەواکیب تێدا بکەن شەنا
سەتح و فەزا؛ ئەگەر بە نەزەر پڕ مەئاسیرن
لا شَيء غَير ذاتك في السَّطح و الفَضاعەرەبی
گەر دوو جیهان بە زدی قەزا، مشوورەت بکەن
لا يقضي المقتدر إلّا بما قضَیعەرەبی
گەر نۆ سیپهیر و حەفت زەمین ببنە یەک زبان
یەک زەڕە، کەی سەنای سیفاتت دەکەن ئەدا!
خوانێکە نیعمەتت، بە سەراپای دوو جیهان
لەو خوانە، هەرکەسێ بەقەدەر قیسمەتی دەبا
تۆی خالیقی غەفوور و ئێمە عەبدی پڕ قسوور
تۆی ساحێبی عەتا و ئێمە: قاڵبی خەتا
گەر تۆ، گوناهی ئێمە نەبەخشی، بە عەفووی خۆت
کێی دی هەیە بچینە پەناهی بە ئیلتیجا؟
غەیرەز ئەوەی موقەڕەڕە، بە حەقیقەت ئەدەبناسناوی ئەدەبی
کوا تاعەتێ کە بیبێ بە ڕۆژی جەزا؛ سزا!
خۆت دەستگیری گومڕەهـ و عاسی، بە ڕەحمی خۆت
هەر خۆت مەگەر ئێمە، لە مەعاسی بخەیتە: لا