شێخ حەسیب
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
580 بینین
دوێ فریشتەی شیعر وەحیی هانی
دەرحەقی شێخ حەسیبی تاڵەبانی
ئەمە بوو ڕۆحی گەورە لەو بچکۆلەیە
هێندە بڵندە هەتا حوکمڕانی
هەر وەکو ئەم بوو بسمارکەکەی ئەڵمان
بەم بڵێن ڕەوایە بسمارکی کوردانی
لەم وڵاتانە، لەم چاخە، لەم تەمەنە
هیچ نییە کەس ببێ بەهاوشانی
هێندە ڕزگارە، ڕزگارییە هیوای
هیچە لای بەندی دەستوور و گۆرانی
سەیری چارەی بکەی دەڵێی شێرە
تازە دەرکەوتووە لە جێی و لانی
سایەیی سێبەری کێوی لێوی چەم
گشت حەساوە لە سایەیی یارانی
فەڕی چاکی و سوودی بێ نرخە
هێندە بێ نرخە بۆتە تاڵانی
ڕۆژهەڵاتی نەبوایە، دیاری بوو
لە جیهان وەک ئەنشتاینی ئەڵمانی
فەیلەسووفانی ئاسیا گشت گوم
هەر چلۆنێ کە گوم بووە (کان)ی
هۆ ئەسیریناسناوی ئەدەبی ئەوەی لەوی ئەدوێی
زۆر بەرەو ژوورە پایە وو شانی