جلک و خواردەمەنی
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
949 بینین
گەل کە پێویستی نەکا خۆی، کە نەپۆشێ وەتەنی
ئەو گەلە نرخی نییە حەققە نەڵێن پێی مەدەنی
چ ئومێدێکی سەعادەت هەیە بۆ ئەو قەومە
کە لە بێگانە بسێنێ جلک و خواردەمەنی
وەتەنی ئەو کەسەیە کاری خریدی خۆ و کرد
هەر کە مردیش بەوەسییەت وەتەنی بێ، کەفەنی
ئەم قصوورانە کەرەستەی کە لە خارج دێنن
لەمە زۆر چاترە ڕەشماڵی بەن و مووی ڕەوەنی
میللەت ئەوساکە مەقامی لە گەلان ژوور ئەکەوێ
لەو مەقامە کردەیی دەستی بێ فەرش و نەوەنی
هەرە ژوور ژوور ئەکەوێ قەومی عێراق گشت کە بکەن
شۆڕشی عیلم و ئەدەب، سنعەت و چینینی فەنی
کەنزە گشت خاکی عێراق، خواری پڕا و پڕ فەیزە
ژووریشی مەعدەنە، گشت گەوهەرە بەرد و دەوەنی
چونکە کوردم ئەمەوێ مەیلی حکومەت بۆ کورد
کە نەوازش نەکرێ، بەندە ئەکا چۆن و چەنی
بڵێ نەوجاهی مەلیک غازیی غازی دەبژی
چاک ئەبێ بۆ گەلی تۆ کاکی ئەسیریناسناوی ئەدەبی زەمەنی