شەدەلار
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
792 بینین
بەسیەتی مردم نەما ئارامی دڵ، تۆزێ وچان
بێرەوە دیدارێ بنوێنە شەهی کوردستان
خوێنی دڵ وەستا لە یادی دووریی ڕووت، لەش سووتا
ئارەزووی دیداری تۆی بوو هاتەدەر، بێچارە گیان
دڵ بەدیدارت دەلەرزێ دەست و پا کەچ، وەک زوبان
هەی شەدەی لارت پتر سامی لەسەد تاجی کەیان
شەو بەهیوایی سبەی دیداری ڕووت بێدار ئەبم
ڕۆژ بەئاواتی نیگارت هەر لە ڕەنجام و دەوان
بێ مەسیح ئاسا نیگاهێ کە بەلایی چاوەوە
دا کە مردوو زیندەبێ بەدواوەیی ڕووحی ڕەوان
بێ، بینایی چاوەکانم چوو لە تاوی چاوە چاو
بەندی جەرگ و دڵ لە بێ ئارامی جەڕران و پسان
بێرەوە بڕوایی من، هەر تۆی مەبەست ئیمانەکەم
بۆ لەمن زویری دەزانی بێ وەیە کردەی نەزان
هۆ ئەسیریناسناوی ئەدەبی کام ئەواتت هاتە دی، یارت دەوێ
دەرد و ڕەنج و داغی دڵ بوو سەربەسەر بۆ تۆ ژیان