بەخێرچی
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
702 بینین
بەخێرچی خۆشەویستی کۆمەڵ و هیوای گەلی کوردان
کە تۆی تێدا نەبی هەڵبەت بەتاڵە دائیرە و دیوان
ئومێدم وایە زوو جێگەت و ڕوتبەت وەزارەت بێ
نەکەی شک هەر ئەوێنە جێگەتە ئەی خاوەنی عیرفان
تەحەممول ناکرێ یا بێرەوە یا ئێمە بێین بۆ لات
وەکو تۆ نابێ هەرگیز ئەو کەسەی وا دێتەجێ بۆمان
زوانی حاڵی کەرکووک بانگی کرد فریاد ڕەسیوی تۆ
لە توونانا دەخنکا ئاویانت دا وەکو باران
بژی بۆ شاری بێکەس هەر بژی بۆ میللەتی بێ هێز
بژی ئەی ناسراوباب نەریمان و کەسی سامان
هەزارانێ لە سایەت کاری فەراهم بوو
ئەوەن هەر ئەم ئەسیریناسناوی ئەدەبی دەردی کاری ئەو کرا دەرمان
لە خواوامان ئەوێ پایەت بڵندتر بەرز و باڵا بێ
هەتا دنیا ئەمێنێ هەربژی ئەی موحتەرەم بۆمان