هەوای نەسیمی
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
637 بینین
بەخاکی وڵاتم، گەلم، میللەتم
کەسم کۆمەڵم لائەبەن زیللەتم
هەوایی نەسیمی بەسەر گوڵشەنا
لە سەیری ڕەزان مەحوئەکا عیللەتم
بەباغ و بەبێستان و میوەیی جوان
بەئاوی ڕەوانان ئەبێ لەززەتم
لە دامێنی بێستان تەماشای چیا
لە بیرم چلۆن دەر ئەکا ئەزیەتم
وڵاتم گوڵ و ئاو و باغ و ڕەزە
وەکو کەوسەرە کانیی جەننەتم
بڵند و بەئییرادە شاخ و چیام
وەکو ئەو بڵندە منیش هیممەتم
ئەسیریناسناوی ئەدەبی لە ڕێی خاکی پاکی وەها
بکوژرێم فیدابم نییە میننەتم