کێیە ڕەحمت پێ بگا؟
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
735 بینین
کوردە وا فەتوا دراوە بۆ جەوازی کوشتنت
چارە وو مەلجەء نییە، تەحقیقە ئەمجا مردنت
وا موحەققەق دەتکوژن، دەتکەن بەنیشانەی تفەنگ
با دەوامی بێ بەڕاستی شۆڕش و شەڕ کردنت
هەرچەنێ شێخ و مەلا و ئاغا و ڕەئیسی کورد هەیە
گشتیان هەڵواسران بەسیە لە غەفڵەت نوستنت
تازە ئومێدت بەکێیە، کێیە ڕەحمت پێ بکا
دوژمنت دایم لە پارێزە زیانە وێستنت
شێخ عەبدولقادری نەجلی عوبەیدوڵڵا ئەوا
بێ خەتا هەڵواسرا تا کەی بێ دوژمن ویستنت
دوژمنت وا ئەسلیحەی خۆی ساز ئەدا بۆ کوشتنت
هەڵسە پێ، فایدەی نییە ئەمڕۆ لەسەر پشت کەوتنت
خوون وەکو سیلاوە دەڕوا سوورە دەشت و شیو و شاخ
غیرەتە شەو تا سەحەر، ڕاحەت لە جێگا نوستنت؟
شیوەن و هاوار و قوڕپێوان و ئاهو حەسرەتە
شەرتی ئینسافی نییە ئەم حەققە بۆ گڵ بردنت
کوردی بێکەس ئیتتیفاقێ تۆ لەگەڵ خزمت بکە
گەر پەشێویت لا بەلاکەی، کاکە پێک دێ ویستنت
گەر بەفەن و عیلم و سەنعەت کەی، ئەسیریناسناوی ئەدەبی ئیعتیماد
بێ شکە مومکین دەبێ ئەو جارە دوژمن خستنت