هاوارە پێغەمبەر
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
1237 بینین
هاوارە پێغەمبەر بکە دەرمانی دەردی یا تەبیب
کەوتۆتە دەردی بێ دەوا چارەی بەتۆ دەکرێ حەبیب
ئەم بێکەسە بێ چارەیە ئەم لوڕ بەچە ئاوارەیە
بێخاوەنە بێپارەیە چەن قەڕنە وا دەدرێ فریب
سۆلتانی بوو سامانی بوو، سوڵتانی وەک ساسانی بوو
ڕۆستەم کوڕی مەیدانی بوو، تۆرانی مل کەچ بوو عەجیب
ئەو خزمەتەی کردی ئەبو موسلیم بۆ نەسلی هاشمی
ئەهلی سەڵیبی وەرگەڕان، یووسف سەڵاحەدین نەجیب
هاوارە پێغەمبەر بکە لای خوا شەفاعەت بۆ ئێمە
کوردان هەموویان میللەتت ماون لە حیرەتدا غەریب
نەوزادی ڕۆڵەی کوردی گورد بەختت بەبیرم تازە مرد
ماوی بەخۆت ڕووت و زوگورد، کۆشش کە ئینجا یانەسیب
دوعا بکە بۆ میللەتت داکو نەمێنێ ئەزیەتت
هەر چەن کە زۆر بوو، میننەتت بانگ کە ئەسیریناسناوی ئەدەبی یا موجیب