جانا بەسە بێمەیلی دەمێ ڕوویی وەفابێ
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
1230 بینین
جانا بەسە بێمەیلی دەمێ ڕوویی وەفابێ
تا چەندە دڵی زار، بە ئازار و جەفا بێ
نائیبی خەیاڵی تووە غەم بۆیێ لە دڵدا
غارەتگەرە بۆ عەقلی منی خانەخەرابێ
هەرچی لە تەڕەف تۆوە بەسەرما بێ بەقوربان
پێم خۆشە، بڵا بێ لە دڵا گەرچی بەڵا بێ
خاڵی نییە ئەسڵا لە تەجەللایی جەماڵت
هەرچی لە سەراتا بە سەما جیلوەنوما بێ
شەئنی تووە بۆ جیلوەیی مەعنی هەموو عالەم
لاهووتی و ناسووتییە گەرچی لە حیسابێ
خاڵی لە حیمایەت نییە بۆ عاشقی مەهجوور
خۆی دێتەوە هەرچەند بە خەتا بێ، بە خیتابێ
ئیسباتی وجوودی تووە ئەڕواحی فەریقەین
تەسدیقی ئەلەست چ «نەعەم» بێ چ «بەلا» بێ
جوزئێکی سیفاتە دوو جیهان ئەوەڵ و ئاخر
سیڕڕێکە لە زاتا چ خەفا بێ چ جەلا بێ
سافیناسناوی ئەدەبی بە ئومێدی تووە گەرچی لە حیسابت
ڕووی مەعزەرەتی زەردە بفەرموو لە چ لا بێ