یاران کوژراوی نازم سەبرم لە دڵ نەماوە
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
1676 بینین
یاران کوژراوی نازم سەبرم لە دڵ نەماوە
عاشق بە چاوی بازم، کەی ڕووی دەکا بەم لاوە
ئازاری دەردی دووری، پەنهان نابێ لە سینەم
ناڵە و فوغانی من وا لە گوێی عالەم گەڕاوە
دوودی ئاهم بە دائیم دەچێتە چەرخی گەردوون
بە ناری عەشقی جانان جەرگم وەها سووتاوە
تا حەشرێ خاک وەسەر کەم، تەسکینی قەلبم نایێ
بای سەبا مەگەر بێنێ خاکی دەری بەغداوە
گەرچی لە نەقسی خۆمە بێ ئیلتیفاتە یارم
ئەمما لە قاپی ڕەحمەت عاسی کەی دەرکراوە
هەرچەند عەجز و مەرارەت هەمووم دێنێ لە هیجران
ئومێد وایە لەلای یار کە بەس بی لەمەولاوە
سافیناسناوی ئەدەبی لەبەر دەرگانەت کەوتە سەر خاکی زیللەت
چاوەڕێی لوتفی تۆیە، جانا لە ڕێی خوداوە