لە تاوی چاوەکەی مەستت دووچاوم پڕ لە خوێناوە
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
1692 بینین
لە تاوی چاوەکەی مەستت دووچاوم پڕ لە خوێناوە
حەنایی پەنجەکەی دەستت بە خوێنم ڕەنگی هێناوە
ئەوەی دەردی فیراق پێی کردووم ئەسڵا بەیان نابێ
لەنێو ئیسلامەوە نەبووە لەلای کافر نەقەوماوە
هەتا مردن بناڵێنم لە غەم تەسکینی دڵ نایێ
لە سۆزی فیرقەتی جانان وەها مەفتوون و شێواوە
دەوای وەسڵی نەبێ ئەسڵا شیفای دەردی دڵم نایێ
لە ڕێگەی خوا عیلاجێکم بکەن، تاکوو نەفس ماوە
بڵێسەی ئاوری دووریت وەها جیسمی منی سووتاند
بە دائیم دووکەڵی ئاهم دەچێتە عەڕشی ئەعلاوە
لە بەدبەختیمە بۆیە لەیلەکەم بێ مەیلە دەرحەق من
سەبەب توولی شەوی هیجرانە، تالع هەر لە خەو ماوە
لە سافیناسناوی ئەدەبی گەر دەپرسن بۆچی وا پەژمووردەیە ئێستێ
لە خزمەت یاری دوورە بۆیە وا غەم دەوری لێ داوە