من کە وا مەحروومی یارم پادشاهیم بۆ چییە
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
1681 بینین
من کە وا مەحروومی یارم پادشاهیم بۆ چییە
وا بە دەردی وی گرفتارم، ژیانم بۆ چییە
نیعمەتی دونیا بە مایە کەی حیسابە بۆ دڵم
بێ مەتاعی چاوەکەی سوود و زیانم بۆ چییە؟
نامەوێ باخی وەنەوشە و سونبول و ڕەیحان و گوڵ
خونچەیی لێوی نەبێ باخی گوڵانم بۆ چییە؟
نامەوێ ئەسڵا ژیانی خۆم بەبێ دوو لێوی یار
ئاوی حەیوانم نەبێ ڕوحی ڕەوانم بۆ چییە
خاکی بەر دەرگانەکەی سەد باغی فیردەوسە لە لام
ئاستانەی ویم نەبێ قەسری جینانم بۆ چییە؟
گەر غولامیم پێ کەڕەم کا پادشاهیم کەی دەوێ؟
جێم لەبەر دەرگانە بێ، ڕوتبە و نیشانم بۆ چییە؟
چم لە جێی عیسایی مەریەم سافییاناسناوی ئەدەبی بێ وەسڵی یار
ڕوتبەیی ئەعلامەقام و لامەکانم بۆ چییە؟