ئەی پەرتەوی ڕەنگت بە مەسەل عەینی چرایە
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
1218 بینین
ئەی پەرتەوی ڕەنگت بە مەسەل عەینی چرایە
وەی حەلقەیی زولفت شەبەهی دامی بەڵایە
کردووتە نیشانەی سەری موژگانی خەدەنگت
بۆیە دڵەکەم بێکەسە لەم گۆشە خزایە
سەوداسەری تۆم مەمخەرە زیندانی جودایی
سندووقی سەرت دەفعەیێ مەیلم کە وەلایە
بێ یار و دەلیل، پا مەنێ ڕێی عەشقی جەوانان
چەند سەر لەسەر ئەم ڕێگە لە سێدارە درایە
پەروای نییە ئەسڵا لە قسەی زاهیدی خودبین
مەعلوومە حەیای عاشقی بێچارە ڕژایە
گیراوی سەری زولفی تۆ تا مردنە قوربان
چۆن باوەڕە حەپسی تۆ کە لەم قەیدە ڕەهایە
خوێنم بڕژێ سوورەتی ناوی تۆ دەکێشێ
تا نەمکوژی نازانی کە سافیناسناوی ئەدەبی بە وەفایە