عارزی یارم گرۆی حوسنی لە گوڵشەن بردەوە
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
1376 بینین
عارزی یارم گرۆی حوسنی لە گوڵشەن بردەوە
بۆیێ گوڵ خاری غەمی سەرتابەپا دەرکردەوە
گریە وو زاریم لەگەڵ بولبول قیاسی ناکرێ
چونکە تا مردن دەناڵم من بە ئێش و دەردەوە
قاسیدێ گەر بێ لە تۆ بێنێ سەلام و بێتە لام
ژێری کەوشی ماچ دەکەم قوربان بە تۆز و گەردەوە
ئێشی زامم وا لەبەینی عالەما مەعلووم بووە
گەهـ لە خوێنی چاوەکان و گەهـ لە ڕەنگی زەردەوە
سەر بە زانوویی جەفا جانا لە هیجران تا بە کەی
دەستەوئەژنۆ دابنیشم بەو هەناسەی سەردەوە
دەردی من بەو چاوی بێمارت ئەگەر دەرمان نەکەی
چۆن بە ئوممێدی شیفا بم لەو دڵەی وەک بەردەوە
گەر بڵێن سافیناسناوی ئەدەبی لە عیشقی لەیلەکەی کوێی جێگەیە
تۆ بڵێ مەجنوون سیفەت ڕووی وا لە چۆڵ و هەردەوە