’arzî yarim giroy ḧusnî le gułşen birdewe
From the Book:
Dîwanî Safî Hîranî
By:
Safi Hirani (1873-1942)
1 minutes
1726 views
’arzî yarim giroy ḧusnî le gułşen birdewe
boyê guł xarî ẍemî sertabepa derkirdewe
girye wu zarîm legeł bulbul qyasî nakirê
çunke ta mirdin denałim min be êş û derdewe
qasîdê ger bê le to bênê selam û bête lam
jêrî kewşî maç dekem qurban be toz û gerdewe
êşî zamim wa lebeynî ’alema me’lûm buwe
geh le xwênî çawekan û geh le řengî zerdewe
ser be zanûyî cefa cana le hîcran ta be key
destew’ejno dabnîşim bew henasey serdewe
derdî min bew çawî bêmarit eger derman nekey
çon be ummêdî şîfa bim lew diłey wek berdewe
ger biłên safîPen name le ’îşqî leylekey kwêy cêgeye
to biłê mecnûn sîfet řûy wa le çoł û herdewe